യൂഫ്രട്ടീസിന്റെ കണ്ണുനീർ

by മിഹ്‌റാജ്

Malayalam Novel 142 pages 1 edition

Fiction

ആ സ്ത്രീയെ ആദ്യം കല്ലെറിഞ്ഞത് അവളുടെ ഭർത്താവ് അൽബൈം ആയിരുന്നു. ആദ്യത്തെ ഏറിൽ തന്നെ അവളുടെ തലയോട് പൊളിഞ്ഞ് രക്തം ചിതറിത്തെറിച്ചു. കൂടിനിന്നവർ ഒരു ദാക്ഷിണ്യവുമില്ലാതെ ആ സ്ത്രീയെ കല്ലുകളെറിഞ്ഞുകൊണ്ടിരുന്നു. മരണത്തിന്റെ അവസാനവിളി അവളിൽനിന്നുയരുന്നത് ജമാൽ കണ്ടു. അവൾ നിശ്ചലമായി ആ കിടങ്ങിൽ കിടന്നു. കൂടിനിന്നവരെല്ലാവരും കല്ലെറിയിൽ നിർത്തി കിടങ്ങിലേക്ക് തന്നെ നോക്കിനിന്നു. രക്തത്തിൽ കുളിച്ച തല കഴുത്തിൽ നിന്നും അറ്റ് വീഴാറായ നിലയിലായിരുന്നു. ആ ഭീകരരംഗം കണ്ട് ജമാൽ കണ്ണുകളിറുക്കിയടച്ചു. സമീറ അബ്ബാസ്, ഹന്ന അലീ ഉബാദ എന്നീ പെൺകുട്ടികൾക്ക് ഐസിസ് തീവ്രവാദികളാൽ ജീവിതത്തിൽ ഏൽക്കേണ്ടിവരുന്ന പീഡനങ്ങളുടെ കഥ പറയുകയാണ് എഴുത്തുകാരൻ. അറുതിയില്ലാത്ത യുദ്ധത്തിൽ നിന്നും എങ്ങോട്ട് പോകണമെന്നറിയാതെ പകച്ചുനിൽക്കുന്ന അഭയാർത്ഥികളുടെ കഥ.