ഗ്രീഷ്മപാഠങ്ങൾ

by Senan

Malayalam 199 pages 1 edition

എഴുത്തുകാരന്റെ പ്രസിദ്ധിയുടെ തണലില്‍ വിശ്രമിക്കാനിഷ്ടപ്പെടുന്നവരാണ് നമ്മുടെ വിമര്‍ശകരിലധികംപേരും. സേനന്‍ എന്ന നവാഗതന്റെ പുസ്തകമെടുത്തു നിരൂപണം നടത്തിയാല്‍ അവര്‍ക്കെന്തു പ്രയോജനം! ഈ നോവലിന്റെ വ്യത്യസ്തമായ അന്തരീക്ഷവും നൂതനമായ ശൈലിയും നല്ല വായനക്കാരെ തീര്‍ച്ചയായും ആകര്‍ഷിക്കും. ഈ നോവല്‍ എനിക്കിഷ്ടപ്പെട്ടു എന്നു പറഞ്ഞാല്‍ അതൊരു ഭംഗിവാക്കല്ല. ഹൃദയംതൊട്ടു ഞാന്‍ പറയുന്നു- എനിക്കിഷ്ടപ്പെട്ടു, വളരെ വളരെ. -എം. സുകുമാരന്‍ സ്പാര്‍ട്ടക്കസിനെ കേന്ദ്രീകരിച്ചുള്ള ഈ കൃതി എനിക്കു ചില പുതിയ അറിവുകള്‍ തരികയുണ്ടായി. സ്പാര്‍ട്ടക്കസും പിതാവും തമ്മിലുള്ള സംഘര്‍ഷങ്ങള്‍–ഗന്ധകത്തിന്റെ മഴയായും തീനാളങ്ങളുടെ ഉടുപുടവയായും ചുറ്റിവരിയുന്ന പിതൃപാശം–ബലികൊടുക്കപ്പെടുന്ന നേര്‍ച്ചമൃഗത്തിന്റെ തീക്ഷ്ണനിറങ്ങളില്‍ മനസ്സില്‍ എരിയുന്ന പ്രതീതി. ഈ ‘പാഠ’ങ്ങള്‍ക്ക് ഗ്രീഷ്മമെന്ന ഋതു അര്‍ത്ഥവത്താണ്. -ആഷാമേനോന്‍ സ്പാര്‍ട്ടക്കസ് എന്റെയും പ്രിയപ്പെട്ട കഥാപാത്രമാകുന്നു. സ്പാര്‍ട്ടക്കസിന്റെ മുഴുവന്‍ ശക്തിയും ആവാഹിക്കുവാന്‍ സേനന് കഴിഞ്ഞു. -എന്‍.എസ്. മാധവന്‍ മലയാളനോവല്‍ഭാവുകത്വത്തെ പുതുക്കിപ്പണിയാന്‍ കെല്‍പ്പുണ്ടായിരുന്ന ഒരു നോവലിന്റെ കാല്‍നൂറ്റാണ്ടിനു ശേഷമുള്ള വീണ്ടെടുപ്പ്‌