ചവിട്ടുകളിപ്പാട്ട് ഒരു പഠനം

by ഡോ പി സക്കീര്‍ ഹുസൈന്‍

Malayalam 79 pages 1 edition

തെക്കൻമലബാറിലെ ഏറനാട്-വള്ളുവനാട് ദേശങ്ങളിലെ ദളിത് സമൂഹത്തിൻ്റെ വിനോദ കലാരൂപമായ ചവിട്ടുകളിയും അതിലെ നാടൻ പാട്ടുകളും വായ്ത്താരികളും വിശകലനംചെയ്യുന്ന പുസ്തകം. ചവിട്ടുകളിയുടെ സവിശേഷസ്വരൂപവും സ്വഭാവവും, പാട്ടുകളിലെ സാഹിത്യദർശനം, കീഴാള-മുസ്ലിം സഹവർത്തിത്വം എന്നീ പ്രസക്ത വിഷയങ്ങൾ പാട്ടുകളെ മുൻനിർത്തി ഇതിൽ അപഗ്രഥനംചെയ്യുന്നു. ചരിത്രത്തിൽ അപ്രസക്തരും അദ്യശ്യരും ശബ്ദരഹിതരുമായിത്തീർന്ന ഒരു ജനതയുടെ അമർത്തിവെച്ച സ്വരവും താളവും വിചാരവും പ്രതിവിചാരവും ’കല്ലുടുമ്പിലെ വെള്ളംപോലെ’ ചരിത്രത്തിനുനേരെ തുറന്നുവെച്ച ഇരമ്പുന്ന പാട്ടൊഴുക്കായിത്തീർന്ന കലുഷിതമായ രാഷ്ട്രീയ സന്ദർഭവും കൃതി പഠനവിധേയമാക്കുന്നു. കാലത്തിൻ്റെ തിരസ്‌കൃതവഴികളിലൂടെ സഞ്ചരിച്ച ഒരു ജനതയുടെ ചരിത്രജീവിതത്തിനകത്ത് സഞ്ചിതമായ ചവിട്ടുകളിപ്പാട്ടു വഴക്കങ്ങൾ കേരളീയ സമൂഹചരിത്രപഠനത്തിന് അവലംബമാവേണ്ട സുപ്രധാന ഉപാദാനമാണെന്നുകൂടി ഈ പഠനം സാക്ഷ്യപ്പെടുത്തുന്നു.